RA 9003 10 taon ang nakalipas bakit hindi parin mapatupad?

In nature there's no such thing as waste, dahil sa katalinuhan ng tao ay nagkaroon tayo ng basura na di na mapapakinabangan ng ibang organismo.

Matapos ang Payatas Tragedy, Bahang dulot ng Bagyong Ondoy at iba pang sakunang may kinalaman ang basurang nililikha natin sa araw-araw ay nagkaroon ng mga pagkilos upang mabawasan ang mga basura ngunit ito’y naging ningas cogon lamang. Ang karamihan ng tao ay nakuntento na lang sa pagtatapon ng kanilang basura sa basurahan, pero naisip ba natin kung saan napupunta ang basurang nilikha natin, bukod pa dito ang walang habas na pagtatapon ng basura sa ilog na syang unti-unting pumapatay sa mga ilog natin at iba pang anyong tubig.

Matagal na po nating alam ang solusyon sa problemang ito pero iilan lang ang kumikilos, kapag may trahedyang nagaganap ay saka lang kikilos, kailangan pa bang marami pa ang magbuhis ng buhay bago tayo kumilos muli?

R.A. 9003 o ang Ecological solid waste management act of 2000 ay malaki ang maitutulong para mabawasan ang malaking problema natin sa basura. 2011 na ngayon pero iilang barangay at bayan palang ang sumusunod sa batas na ito na dapat ay noong June 2009 pa ito ganap na naipatupad sa buong bansa, ito ay ayon sa deadline na ibinigay ng dating Pangulong Gloria Aroyo. Kung nasunod lamang at naipatupad ng maayos ang batas na ito , sana ay hindi na ganun kalaki ang problema ng ating bansa pag dating sa basura.

The Law applies to all otherwise none at all.

Para saan ba ang Batas kung di rin naman maipapatupad, simpleng paghihiwalay lang ay di pa magawa, pati narin ang hiwalay na paghahakot ng mga basura. May pondo naman sana sa pagtatayo ng Material Recovery Facilities sa mga barangay at lungsod pero bakit mukhang wala atang kumikilos para dito. may mga programa naman para sa education at information dissemination pero bakit hindi ginagawa, hanggang ngayon ay unti parin sa mamamayan ang nakakaalam sa batas na ito dahil sa kakulangan na din ng Local Government Units.

Bakit wala pang kontraktor na taga hakot ng basura ang napatawan ng parusa gayong maliwanag ang isinasaad ng batas, bakit walang LGU ang napaparusahan sa di pagsunod nito?

Kailan tayo kikilos?
Aantayin pa natin na marami pang magbuhis ng buhay?